تمارين الشوكة العظمية( مسمار الكعب)

علاج الشوكة العظمية في المنزل من اهم الاسئلة التي يريد المرضي معرفتها وفي هذا المقال سنجيب عن طرق علاج الشوكة العظمية في المنزل للوصول الي افضل النتائج.

تمارين التهاب اللفافة الأخمصية المعروف بالشوكة العظمية او مسمار الكعب، يجب ممارسة هذه التمارين يوميا .

يجب العلم ان اهم جزء في علاج الشوكة العظمية هو وقف وتفادي السبب والذي يكون احد الاسباب الاتية:

اسباب الشركة العظمية

• المشي حافي القدمين
• لبس كعب عالي
• الوقوف فترات طويلة
• زيادة الوزن

والان لمعرفة اشهر تمارين الشوكة العظمية

تمرين المنشفة بالأصابع

1. حط فوطة صغيرة على الأرض. بالقدم اللي بتوجعك، حاول تسحب الفوطة ناحيتك بأصابع رجلك بس، وبعدين ريّح.
2. كرر 10 مرات، خمس مرات في اليوم.

تمرين شدّ الصوابع

1. اقعد وحط الرجل اللي بتوجعك علي الرجل التانية. امسك صوابع رجلك بإيدك وشدّها لفوق قد ما تقدر علشان تمدد كعب الرجل وعضلة السمانة. وبالإيد التانية دلك بطن رجلك (تحت الرجل).
2. استنى 10 ثواني. كرر لمدة خمس دقايق. اعمل التمرين خمس مرات في اليوم.

تمرين شدّ السمانة واقف

1. قف وادّيك على الحيطة علشان تسند. خليك واقف ورجلك اللي بتوجعك ورا والتانية قدام. الرجل اللي ورا تبقى مفرودة وقدام تبقى ركبتها مثنية. اتقدّم لقدام مع تثبيت كعب الرجل اللي ورا على الأرض لحد ما تحس بشدّ في السمانة.
2. استنى 45 ثانية، 2-3 مرات. كرر خمس مرات في اليوم.

تمرين الفوطة
التمرين ده بيساعد يقلل وجع الصبح لو عملته قبل ما تقوم من السرير.

1. اقعد ورجلك اللي بتوجعك مفرودة قدامك. حط فوطة حوالين رجلك واسحبها ناحيتك بالراحة لحد ما تحس بشدّ في السمانة.
2. استنى 45 ثانية، عشر مرات. كرر خمس مرات في اليوم.

تمرين السلم

1. قف وحط رجلك السليمة كاملة على السلمة. رجلك اللي بتوجعك حط طرف القدم الامامي بتاعتها (قدام) على حافة السلمة. نزّل كعبها لتحت بالراحة لحد ما تحس بشدّ في السمانة.
2. استنى 45 ثانية، 2-3 مرات. كرر 4-6 مرات في اليوم.

تدليك بالثلج

1. حط رجلك اللي بتوجعك على إزازة ميه متلجة وانت قاعد علي كرسي. حرّك رجلك عليها لقدام وورا.
2. كرر 3-5 دقايق، خمس مرات في اليوم.

يمكنك الاطلاع علي المزيد هنا